Eserden Örnekler

Benî Alî Â'işetü ve eslemâ

İbn-i Selâm ve kattâl-i alimâ

Benî kelimesi duhûl-i ale’z-zevce maʻnâsına olan binâdan mâzî maʻlûmdur. Zamîr-i Resûl-i ekreme râciʻdür. Elif eslemâ ıtlâkiyyedür. Abdu’llâh bin Selâm fâʻilidür. Ve kattâl kelimesi kıtâl-i ehlü’l-kitâb ve’l-müşrikîn takdîrindedür. Alimâ mâzî mechûldür elifi ıtlâkiyyedür. Bu beytde üç lâyiha mündericdür. Zifâf-ı Âişe İslâm Abdu’llâh bin Selâm. Emr-i cihâd. Zifâf-ı Âişe razıya’llâhu anhâ Mekke-i Mükerremede münharit-i silk-i ümmehât-ı mü’minîn olup sagır sinleri sebebiyle emr-i zifâf tâ hayr olunmuşdı. Müşârun ileyhâ lisânından mervîdür ki bir gün fahr-ı âlem hazretleri hânemüze teşrîf buyurup ve ricâl ü nisvân-ı ensârdan cemʻ-i kesîr gelüp müctemiʻ oldılar. Ben ol esnâda iki nahleye merbût bir salıncakda âsûde-i pister-i râhat olmuş idüm. (Mütercim Âsım Efendi 1248: 75).