Eserden Örnekler

Risâle-i Şikâyet-i Rûzigâr ve İsâbet-i Gubâr-ı Çarh-ı Gaddâr li-Muharriri’l-Hakîr

                            Olmadı devlet müsâ'id kıldı istiğnâ murâd

                            Rûzgâr el virmedi kaldum ayakda nâ-murâd

        Li-münşîhi  Ve hizbu’l-fazli leyse lehüm nasîrun

                             Yuzâhimuhum sagîrun ev kebîrun

Dirîgâ kazâ-yı âsmânîye fezâ-yı endîşe-i insânî teng ve râh-ı câygâh-ı takdîrde pâ-yı peyk-i tedbîr süst ü leng arsagâh-ı zehârife sâhat-ı serây-ı dünyâ diyü ad komışlar ve muhil-i serâh-ı ebedîyi mahall-i râhat-âbâd okumışlar. Dünyâya itimâd perdedârını bâd kılup vü perde-i ankebûta istinâd itmege benzer. Hasretâ rûzgâr-ı mütehâlifü’l-âsârun şütür-mürgvâr evzâ'ı bir vech ile nâ-hemvârdur ki tarab u neşâtı mürg-i tâyir ü tîr-i per-tâb gibi pür-şitâb ü tîz-güzârdur vü ribât-ı hâtır-ı erbâb-ı dilde endûh-ı kûh-karârınun bu'd-i ikâmeti hattâ yelice’l-cemelu fî-semmi’l-hıyâtdur (Yalçınkaya 2019: 328).