Eserden Örnekler

Henûz tıfl-sıfat lub-ı lehvdür şuglüm

Ale’t-tevâli işimdür hatâ Hudâvendâ

Be-hakkı âyet-i lutf u rahmeti vüsat

Be-müjde-bahşi-i îmâ-yı Lâ-tüâhiznâ

Be-hakkı nûr-ı cemâl-i Muhammed-i Arabî

Ki oldur evvel ü âhir Şefî-i ehl-i hatâ

Çeküp hutût-ı hatîâtıma hat-ı gufrân

Makâmımı dem-i mahşerde eyle taht-ı Livâ

Be-hakkı sıdk-ı safâ-bahş hazret-i Sıddîk

Dil-i fesürdemi kıl feyz-i sıdkla ihyâ

Be-hakkı gayret-i Fârûk dîndâr-ı gayûr

Tarîk-i Hakk’da eyle devâmımı ibkâ

Be-hakkı sırr-ı hayâ-yı cenâb-ı Zü’n-nûreyn

Cezâ güni beni afv eyle eyleme rüsvâ

Be-hakkı marifet-i rifat sehâ-yı Alî

İki cihân hasenâtın bana da eyle atâ

Be-hakkı menzilet-i Ehl-i Beyt-i pâk-nihâd

Be-hakkı mertebet-i eşrefü’n-nisâ Zehrâ

Be-hakkı sîne-i mesmûm şerer-i yâr-ı Hasan

Be-hakkı hûn-ı Hüseyn-i bihîn Âl-i Abâ (Mert 2012: 165).