Eserden Örnekler

Rindler bezminde cânâ bir aceb nâm eyledin

Mescidin kandîlini mey-hânede câm eyledin

Beytini sultân-ı magfûr Bağdât seferine muteveccihen Adana şehrine uğradıkda zuhûr eden ber-vech-i âtî vâkıʿa üzerine bilbedâhe gûyâ oldukları mesmûʿdur vâkıʿa şu ki: Sultân Murâd Adana’ya muvâsalatı gün tecemmulât-ı şâhisi Adana önünden cereyân eden nehirden geçerken kilâr takımı yüklü olan hayvân her nasılsa ürkerek nehre gider ve mahv u nâ-bedîd olur. Sultân Murâd ise şehre erkence dâhil olmak münasebetiyle şehrin vâcibu'z-ziyâre mahallerini gezerken Ramazanoğlu câmî-i şerîfine dahi girer ve esnâ-yı temâşâda nedîmi Hemdem Çelebi vâkıʿayı ber-zemîn ile pâdişâha arz eyler. Bakınız ki … magfûr muşarunileyhin meşhûr olan kemâl-i gazabıyla bu vâkıʿadan katʿâ mütekeddir olmayıp hemân câmîʿ-i şerîfde âvihte-i tâk-ı mülemmâ-i nitâk edilmiş kanâdilin birini alır ve tertîb buyurulan mebît-i şâhânelerine gelir ve tarhedilen nâd-ı hüsrevânîsinde sâfir zerîne bedel kandîl-i âbgîni dest-âviz-i sâid-i sîmîn Hemdem görmesiyle irticâlen “Rindler bezminde cânâ bir aceb nâm eyledin, mescidin kandîlini mey-hânede câm eyledin” beytini inşad eyler.

Kıtʿa

Behiştden kıtʿadır hakkâ ki bu işret-i zîbâ

Buna dâhil olan mürde olupdur zevk ile ihyâ

Murâdı feth-i Îrân’dan kaçan kim gitdi

Bağdat’a Tenaʿum eyledi içdi bu kevserden şarâb-âsâ

(Letâ’if-i Hikâyât ve Garâ’ib-i Rivâyât, 1.cüz: 3).