Eserden Örnekler

Mukaddime

Bu kitap, meşhûr “Telemaque” hikâyesinin müellifi edîb-i hekîm Fenelon’un yine Telemaque vadisinde hikmet-i ameliye ve fezâil-i ahlâkiyeyi musavver ve fakat muhtasar olarak yazdığı bir eserin mülahhas tercümesidir.  İnsan bu eserde hikâye kitaplarındaki gibi öyle bir takım garâib-i vukuata tesadüf etmez. Fakat eğer hikâye kitapları mütalaasından ahlaken bir faide veya mücerred bir intibah husûlü lazım ise bu anı maa-ziyâde tazammun eder. Fransız erbâb-ı fikr ve kaleminden bir zâtın buna dair yazdığı bir makale-i intikâdiyede dediği gibi: “Şu küçücük facia, tâb-ı âfitab altında cereyan eden parlak bir cûy-bâra benzer. Suret-i cereyanı sâkinâne olmakla beraber herhâlde kendinde bir hareket-i devriye olduğu gibi bunda da bir gaye-i maksat vardır.”  2 Kânun-ı Evvel 1304 (Faik Reşad 1306: 2, 3).