Eserden Örnekler

Gazel

Gurbetin gelmez ümîd-i ferahı yâda bile

Bir tesellî bulamam âlem-i hulyâda bile

Kürbet-i gurbet ile tâ o kadar me’yûsum

Edemez def’ gam-ı hâtırımı bâde bile

Şeb-i firkat gözümü hasret-i hâb eyledi âh

Râzıyım şimdi seni görmeye rü’yâda bile

Merhem-i zahm-ı firâkı dil ü cânım yokdur

Değil âlemde dem-i feyz-i Mesîhâda bile

Meh-ruhun yâdı ile sûz u güdâzım geceler

Olamaz sevdiceğim şem’-i şeb-ârâda bile

Tâli’im nakl-i diyâr-ı adem etsem de Refîk

Nâ’il-i izz-i huzûr eylemez orada bile (Baştuğ 2002: 1857).