Eserden Örnekler

Murabba

Edebnin hil‘atin kiygil edebdin yahşı zînet yok

Kişi kim bî-edeb bolsa uninda asla haslet yok

Uluğlar aldığa barsan edebdin özge hil‘at yok

Edebni özge pîşe kılmağanda asla rıf‘at yok

Hudâ-cûyluk kılay disen edebni özge pîş eyle

Bilip efzâl özündin hâr u hüsni sen reviş eyle

Özünni pes tutup nefsinğa her dem serzeniş eyle

Tekebbür eylegende Hak katıda asla gurbet yok

Felan oğli felanmen dep özünge fahr-i nâz etme

Behâyimdek külüp oynap dutar temburni sâz etme

Felan oğli deban mahşerde özni şerm-sâz etme

Emel lâzım seyyidlik hâcelikke asla hörmet yok

Uluğluk halisan eyle tevâzu‘ pes tutup özni

Uluğlarğa kılıp hörmet kiçikke pes kılıp sözni

Dürüstlük kılmağıl hiçkimge hergiz çong tutup özni

Bu âlem hem u âlemde dürüst goylarğa izzet yok

Eger sâlik irürsen hiç tarafge bî-haber bakma

Hudâ mahlûkını körmek hakîr dinğa hatar bakma

Özünni çong tutup canınğa dûzahtın şerer bakma

Ki mazhar bolmağan Hâkka cehânda asla halvet yok

Nübüvvetke eger tasdîk kılsan izzet ü ikrâm et

Kılıp hörmet meşâyihka özünge hizmet ilzâm et

Duâ eylep nazar kılsa özünge rif‘at i‘lâm et

Nazar tapmay biravdin hiç kişige asla ülfet yok

Tapay ülfet disen Hâkka pîr-i kemâlni ahtarğıl

Berip cân nakdini bir âlim-i âmilni ahtarğıl

Dil-i âyinedek bir mürşîd-i fâzılnı ahtarğıl

Ularnın sohbetidin tapmay kişige asla lezzet yok

Sorap Hâk haşride amelidin hergîz neseb sormas

Ne iş kıldın deban sorğay emeldin hîç lâkab sormas

Sorar her bendenin amelidin ecdâd dep sormas

Kuruk seyyid bolup kılmay emel yürmekke ruhsât yok

Tirekbağ hânkâhıda yatıp kalğan garîb Heste

Köterip hânkahı nâm-ı hevâ-yı nefsige beste

Sinenni şûmluğundin ot tutaşıp köydi bu reste

Köterip sûfî at hergiz seninde istikâmet yok (Osman 2005: 616-618).