Eserden Örnekler

Bir de ilm-i kitâbet yalnız ulûm-ı müselsele ta’lîm ü tedrîse menût olmayıp ayrı ve gayrı bir fenn-i cemîl-i celîl olup bunun ancak kuvve-i fikriyye ile karîhadan sünûh ve sudûr edecek bir âsâr-ı mevhibe-i sübhaniyyeden ibâret olduğu ve şiir gibi bir eser-i makbûl idiğü cümle insân-ı zevi’l-izânın malûmudur mamâfîh kâffe-i beyândan müstağnî olduğu üzre tarîk-i feyz-i refîk-i kitâbete sâlik olanlar fenn-i cemîl-i mezkûrun âlât-ı mahsûse-i muhâberât-ı devlet ve vâsıta-ı cereyân-ı mesâlih kâffe-i mülk-i millet olmasına mebnî herhâlde san’at-ı eş’âra takdîm ve tercîh olunacağını bilirler çünkü fenn-i mezkûr kuvve-i nâtıka vesâtıyla efkâr-ı vicdâniyyenin âsâr-ı kalemiyye ile ibrâz ve elsine-i nâsta kitâbet unvân-ı celili’ş-şânıyla mümtâz olduğu cihetle kâtip olacak zât sigâr-ı sinn-ı sabâvetten bed ile kemâl-i derece-i sa’y ve gayretle tahsîl etmiş olduğu ulûm ve fünûn vâsıtasıyla rütbe-i temyîz vücûda yetiştirmiş olduğu liyâkat ve bızâasının meydâna koyabileceği âsâr-ı fikriyeden ibârettir (Osman Râsih 1290: 10-11).