Eserden Örnekler

Mesnevî-i Tevhîd

Güle ol gonceden nâf itdi tâze

Ruh-ı gülzâra gülden virdi gâze

Arûs-ı bâgun andan âb-ı rûyı

'İzâr-ı verdün andan reng ü bûyı

Der-hüsn

Cebîni sîmden bir levh-i sâde

İder tıfl-ı meh andan istifâde

Bu sîmîn-levh tarfında siyeh-gûn

Yazılmış iki miskîn ser-nigûn nûn

Midâd-ı şîve ile kilk-i üstâd

İki nûn altına yazmış iki sâd

Bu nûn u sâd gûyâ gösterür nass

K'olupdur şîve-i hüsn ana muhtass

Açam barmakları vasfında ger dil

Kılam şerhinde kala pây-der-gil

Kalem olmaz dilin kat' itsen epsem

Olur barmakları vasfında ebkem

Dilin kesmezsen itmez bir kelâm ol

Kesersen her dili söyler temâm ol

Der-vasf-ı Nakkâş

Eger tasvîr ideydi şekl-i mâhı

Gicede gösterürdi halka râhı

Hatm-i Kitâb

Kalem fârisdür engüşt esb-i rehvâr

Habeş'den mülk-i Rûm'a kıldı reftâr

Metâ'-ı misk ile sahrâ-yı Rûm'ı

Mu'attar kıldı ol fâris kudûmı (Kılıç 2010: 996-97.)